नेपाली युवकले अमेरिकामा यसरी पाए एक करोड रुपैयाँ

काठमाडौं, ८ फागुन । अमेरिकामा एक नेपाली युवाले न्युयोर्कमा एक करोड रुपैयाँ प्राप्त गरेका छन् । नेपालको तनहुका २२ बर्षीय युवा असिम देवकोटाले हृदयघातबाट मृत्यु भएका बुवाको नाममा रहेको बीमा वाफतको रकम प्राप्त गरेका हुन् ।

केही महिना अगाडि असिमका बुबाको हृदयघातबाट मृत्यु भएपछि तोडिसकिएको विमा पोलिसीबाट समेत विमा कम्पनीले उनलाई झण्डै १ करोड रुपैयाँ प्रदान गरेको हो ।

असिमका बुबा शैलेन्द्र देवकोटाले न्युयोर्क लाइफ इन्सुरेन्समा जीवन विमा गरेपनि मृत्यु हुने ताका उनले विमा तोडिसकेका थिए । न्युयोर्क लाइफ इन्सुरेन्सका प्रतिनिधी कृष्ण पोखरेलको सहयोगमा तोडिसकिएको विमाबाट समेत शैलेन्द्र देवकोटाको परिवारले ९८ हजार १ सय २७ डलर ९५ सेन्ट प्राप्त गरेका हुन् । शनिवारको विनिमयदर अनुसार यो १ करोड ५ लाख २१ हजार १ सय ७६ नेपाली रुपैयाँ हो । असिमले बुवाको नामबाट प्राप्त रकमलाई बुवाको उपहार भएको बताएका छन् ।

असिमले जीवन बिमाको महत्व आफूले अहिले राम्रोसँग बुझेको बताउँदै अमेरिकामा रहेका अरु नेपालीहरुलाई पनि जीवन बिमा गर्न सुझाव दिएका छन् ।

न्युयोर्क लाइफ इन्सुरेन्सका प्रतिनिधि कृष्ण पोखरेलले पनि अमेरिकामा रहेका नेपालीले जीवन विमा गरेमा मृत्यु पश्चात दाहसंस्कारका लागि चन्दा उठाउनुपर्ने अवस्था नआउने बताएका छन् ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.