काठमाण्डौं । त्यसो त विवाह गर्नु वा नगर्नु प्रत्येक व्याक्तिको स्वतन्त्रताको कुरा हो । तर नेपालको कानुन अनुसार बहुविवाह व्यक्तिको ईच्छा भित्र पर्दैन । पहिलो श्रीमतीसँग सम्वन्ध विच्छेद भईसकेपछि हुने विवाहलाई कानुनी छुट छ तर घरमा श्रीमती हुदाँहुँदै अर्की श्रीमती ल्याउने छुट नेपालको कानुनले कसैलाई पनि दिएको छैन । तर नेपालमा भने नाम चलेका नेताहरुले नै बहुविवाह गरेका छन्,लाजै पचाएर ।
नेपालमा कयौ यस्ता नेता छन् जसले घरमा जेठी श्रीमति हुँदाहुँदै जेठीलाई रुवाएर कान्छी अन्माएका छन् । यसमा पहिलो नम्बरमा पर्छन्, एमाले संसदीय दलका उपनेता तथा निर्वतमान सभामुख सुवास नेम्वाङ । उनकी श्रीमती दुईटी छन् ।
नेम्वाङ हाल काठमाण्डौंमा कान्छी श्रीमतीसँग बस्छन् भने उनकी जेठी श्रीमती विराटनगरमा प्लान ईन्टरनेशनल नामक अन्ततराष्ट्रिय दातृ निकायमा कार्यरत छिन् ।
कान्छी श्रीमती भने बुटिक व्यवसायमा संलग्न छिन् । नेपालको राजनीतिका बाह्रौ खेलाडीका रुपमा चिनिएका अर्का पुर्वप्रधानमन्त्री लोकेन्दबहादुर चन्दका पनि दुईटी श्रीमती छन् । दुवै श्रीमती चन्दसँगै काठमाण्डौंमै रहदै आएका छन् ।
राजनीतिकरुपमा अरु भन्दा कम्युनिष्टहरु बढी यस्ता कुरामा कट्टर मानिन्छन् । जातीय भेदभावको विरोध गर्ने र महिला अधिकारका चर्का कुरा सिकाउने उनीहरु व्यवहारमा भने आफै त्यसका दास देखिन्छन् । संगठन निमार्णका बेला बहुविवाहको चर्को विरोध गर्ने उनीहरु नै बहुविवाह गर्नेमा अगाडी देखिएका छन् । बहुविवाह गर्नेलाइ माओवादीले भाटे कार्वाही गर्ने देखि लिएर ‘जन अदालतमा’ उभ्याउने समेत गर्ने गर्थे ।
मन्त्री समेत भईसकेका एमाले स्थायी समिति सदस्य छबिलाल विश्वकर्माका पनि श्रीमती दुइटी छन् । तर कान्छी श्रमितीलाई भने उनले अझै घरमा भित्र्याएका छैनन् ।
पुर्व उद्योग मन्त्री रहेका एमाले पोलिट्व्यूरो सदस्य कर्णबहादुर थापा पनि दुई श्रीमतीका श्रीमान् हुन् । बाजुरा जिल्ला कमिटीको सचिव भएका बेला कमला ओलीलाई कान्छी श्रीमतीका रुपमा भित्र्याएपछि बहुविवाह गरेको भन्दै एमालेले उनलाई कार्वाही स्वरुप बाजुराको सचिववाट समेत हटाएको थियो ।
एमालेका केन्द्रिय सदस्य तथा मकवानपुरका नेता विरोध खतिवडाले जिल्ला अध्यक्ष भइसकेपछि विद्यार्थी नेतृ मुनु सिग्देललाई कान्छीका रुपमा विवाह गरेका छन् । उनले पहिलो पटक ल क्याम्पस पढ्दा काठमाण्डुकै नेवार कि छोरीसँग अन्र्तजातीय विवाह गरेका थिए । उनकी जेठी श्रीमती बन विभागमा जागीरे छिन् ।
पोलिट्व्यूरो सदस्य गणेश तिमिल्सिनाका श्रीमती पनि दुइटी छन् । पुर्व स्वास्थ्यमन्त्री समेत रहेका एमालेका अर्का नेता खगराज अधिकारीले भने जेठी श्रीमतीसँग डिभोर्स गरेर अर्को विवाह गरेका छन् ।
माओवादी, एमाले हुँदै अहिले सक्रिय दलीय राजनीतिबाट विस्मृतिमा पुगेका रवीन्द्र श्रेष्ठका श्रीमती पनि दुईटी छन् । माधव नेपाल नेतृत्वको सरकारमा सामान्य प्रशासन मन्त्री रहेका उनले मन्त्रीवाट हट्नासाथ अखिल कि एक नेतृलाई भगाएका थिए । उनीहरु अहिले जेठी श्रीमतीलाई छाडेर स्वयम्भूतिर छुट्टै डेरा लिएर बस्दै आएका छन् ।
एमाओवादी नेता राम कार्की पनि दुइटी श्रीमती भित्र्याउनेमा पर्छन् । पहिले नुवाकोटकी जमुना थापासँग विवाह गरेका कार्कीले सिक्किमलाई दोश्रो ससुराली बनाएका छन् । उनकि कान्छी श्रीमति सिक्किमका मुख्यमन्त्री पवन चाम्लिङको सेक्रेटरी छिन् । त्यस्तै अर्का नेता हेमन्तप्रकाश वलीका श्रीमति पनि दुइटी छन् । केन्द्रीय कमिटीभन्दा मुनि अगुवा कार्यकर्ताको तहमा हेर्ने हो भने त बहुविवाह गर्नेहरुको लिष्ट ठुलै छ।
