दशैं टिका बहिष्कार गर्ने कम्युनिष्ट प्रधानमन्त्री पूराण उद्घाटन गर्न गएपछि…

दशैं टिका बहिष्कार गर्ने कम्युनिष्ट प्रधानमन्त्री पूराण उद्घाटन गर्न गएपछि…

कम्युनिष्ट प्रधानमन्त्री पुष्पकमल दाहाल ‘प्रचण्ड’ हेलिकप्टर चार्टर गरेरै सप्ताह पुराणको उद्घाटन गर्न गएपछि आलोचना सुरु भएको छ ।

हिन्दू धर्मालम्बीको ठूलो चाँड दशैंमा टिका बहिष्कार गरेर परिवर्तनकारी अर्थात खाटी कम्युनिष्ट हुँ भन्ने देखाएका प्रचण्ड आइतबार भने सिराहामा आयोजना गरिएको सप्ताह पुराणको उदघाटनमा गएपछि उनको आलोचना सुरु भएको हो ।

सर्वसाधारणदेखि विपक्षी दलका नेतासम्मले उनको आलोचना गरेका छन् । सर्वसाधारणले विरामी एम्बुलेन्स नपाइरहेको देशका प्रधानमन्त्री हेलिकप्टरमा सयर गरेको भन्दै आलोचना गरिरहेका छन् भने विपक्षी कम्युनिष्ट नेता दशैं टिका बहिष्कार गर्ने अनि पूराण उद्घाटन दौडेर जाने भन्दै प्रश्न गरिरहेका छन् ।

एमाले स्थायी समिति सदस्य एवं पूर्वमन्त्री शंकर पोखरेलले दशैंको टिका बहिष्कार गर्ने प्रधानमन्त्री हेलिकप्टर चार्टर गरेरै सप्ताह पूराण उद्घाटन गर्न गएको कुरामा विश्वास गर्नै नसकिएको बताए । ‘दशैं टिका बहिष्कार गर्ने प्रधानमन्त्री प्रचण्डजी पूराणमा जानुभयो रे! मलाई त विश्वासै गर्न गाह्रो भो,’ पोखरेलले भने ।

उसो त ८ महिनाअघि प्रधानमन्त्री पदको कार्यभार सम्हाल्दै अबदेखि रिबन काट्ने काममा जान्न भनेर प्रतिवद्धता जनाएका थिए प्रचण्डले । तर, यो प्रतिबद्धता मुखमै सिमित भयो । कार्यान्वयनमा आएन । समय कटाउन प्रधानमन्त्री पद सम्हालेको जसरी प्रचण्ड कहिले रोल्पा, कहिले रुकुम त कहिले सिरहा गरी कार्यक्रम उद्घाटनमै व्यस्त रहे । यो सिलसिला अझै चलिरहेको छ ।

पूराण उद्घाटन गरेर सिराहाबाट फर्किेएका प्रधानमन्त्री प्रचण्डले आजै सोल्टी होटलमा आयोजना गरिएको पूर्वाधारसम्बन्धी अर्को एउटा कार्यक्रमको पनि उदघाटनमा गरेका थिए ।

काम कुरो एकातिर, कुम्लो बोकी ठिमीतिर
पछिल्लो समय प्रधानमन्त्री प्रचण्ड महत्वपूर्ण कामहरुमा भन्दा पनि घुमघाम र उद्घाटनमा रमाउन थालेका छन् । शुक्रबार प्रचण्ड हेलिकोप्टर चढेर रोल्पा महोत्सवमा पुगेका थिए ।

संविधान कार्यान्वयनका लागि चुनावको तयारीका लागि अहोरात्र खटिनुपर्नेमा प्रधानमन्त्रीले राजनीतिक सम्वाद एवं दैनिक कामहरु गर्नुभन्दा पनि जिल्ला महोत्सवदेखि पुराण उदघाटनसम्म समय खर्च गर्ने क्रम अरु बढेको छ ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.